Компани - Нүүрс

"Эрдэнэс Тавантолгой"-н орлого 2.66 их наяд төгрөг болов

"Эрдэнэс Тавантолгой" ХК 2019 онд үйл ажиллагаа нь сайн байж, борлуулалтын орлого нь тэрбум ам.долларт хүрсэн анхны Монгол компани болсон хэмээн мэдээлээд байна. Тус компани Өнгөрсөн онд нийт 16.1 сая тонн нүүрс олборлож, 2.66 их наяд төгрөгийн борлуулалтын орлоготой ажиллажээ. Мөн цэвэр ашиг нь нэг их наяд төгрөгт хүрсэн хэмээн компаниас мэдээлээд байна.

 

 

 

 

 

 

 

 

 

 

 

 

 

 

Анх байгуулагдсан цагаасаа хойш нийт 60 гаруй сая тонн нүүрс олборлон, экспортолсоноос 38.3 сая тонныг нь буюу 60 гаруй хувийг нь сүүлийн гурван жилд олборлосон байна. Сүүлийн гурван жилд борлуулалтын орлого 5.66 их наяд төгрөг, цэвэр ашиг нь 2 их наяд 268 тэрбум төгрөг, улс, орон нутагт төлсөн татвар хураамж нь нэг их наяд 373 тэрбум төгрөг болжээ.

“Эрдэнэс Тавантолгой” компанийн Гүйцэтгэх захирал Б.Ганхуяг “Ирэх жилүүдэд Тавантолгой-Гашуунсухайт чиглэлийн төмөр зам ашиглалтад орсноор  бид  нэг тонн нүүрсийг одоо автозамаар 32 ам.доллараар тээвэрлэж байгаа бол найман ам.доллар болж өртөг буурна. Тэр хэмжээгээр олох орлого, цэвэр ашгийн хэмжээ өснө. 2020-2021 он гэхэд “Эрдэнэс Тавантолгой” компани өөрөө таван сая тонны хүчин чадалтай нүүрс баяжуулах үйлдвэрийг нээнэ. Ингэснээр хамтран ажиллаж буй компаниудтайгаа нийлээд жилд 6,5 сая тонныг баяжуулах боломжтой болно” хэмээн хэвлэлд ярьжээ. Тус компани 2019 оны онцлох есөн үйл явдлаа тодорхойлсон байна.

1.Төслүүдийг санхүүжүүлэв

“Эрдэнэс-Тавантолгой” ХК Тавантолгой-Зүүнбаян, Тавантолгой-Гашуун сухайт чиглэлийн төмөр замын ажилд эхний ээлжинд 110 сая ам.долларын хөрөнгө оруулалт хийж,  бүтээн байгуулалтын ажлыг эхлүүллээ. Тавантолгой-Зүүнбаян чиглэлд төмөр замтай болсноор 4 чиглэлд шинээр гарц нээгдэж, зам дагасан хөгжил, их бүтээн байгуулалтууд өрнөж, ажлын байр оноор нэмэгдэж, улсын эдийн засагт дэмжлэг болсон том ажлын эхлэл тавигдав.

2. Нэг тэрбум ам.долларын борлуулалтын орлоготой ажиллав

“Эрдэнэс-Тавантолгой” ХК 2019 онд нэг тэрбум ам.долларын борлуулалтын орлоготой ажиллан төрийн өмчит компаниудаас Монголдоо анхдагч боллоо. Тус компани 14.3 сая тонн нүүрс экспортлон, улсад 660 тэрбум төгрөгийн татвар хураамж төвлөрүүлэн, нэг их наяд төгрөгийн цэвэр ашигтай ажиллажээ. 2019 онд 16.1 сая тонн нүүрс олборлоод байгаа нь өнгөрсөн оны мөн үетэй харьцуулахад 5 сая тонноор давуулсан үзүүлэлт юм.

3.7000 ажлын байр шинээр бий болгов

УИХ-ын тогтоолыг хэрэгжүүлэх зорилгоор “Эрдэнэс-Тавантолгой Майнинг” ХХК-ийг “Эрдэнэс-Тавантолгой” ХК-ийн 100 хувийн хөрөнгө оруулалттай охин компанийг үүсгэн байгуулав. “Эрдэнэс-Тавантолгой Майнинг” ХХК, “Тавантолгой түлш” ХХК, “Тавантолгой төмөр зам” ХХК-ийн нийт ажидчид 7000 боллоо.

4. 60 сая дахь тонн нүүрсээ олборлов

“Эрдэнэс-Тавантолгой” ХК 2019 оны аравдугаар сард 60 сая дахь тонн нүүрс олборлов. Мөн 2019 онд 75 сая метр куб уулын цулын ажил хийж гүйцэтгэсэн бөгөөд 2018 оны энэ үетэй харьцуулахад уулын цул 134 хувиар илүү бүтээлтэй ажиллав.

5. “Хуримтлалтай хувьцаатай иргэн” аяныг зохион байгуулав

Засгийн газрын тогтоолыг хэрэгжүүлэх хүрээнд “Хуримтлалтай Хувьцаатай иргэн” аяныг 2019 оны арав болон арваннэгдүгээр сар хүртэл 21 аймаг, 330 суманд амжилттай зохион байгуулав. Аяны хугацаанд нийт 1000 удаагийн сургалтаар 50 мянган хүнд мэдээлэл зөвлөгөө өгөн ажиллажээ.

6. ISO стандарт нэвтрүүлэв  

ISO 9001:2015 Чанарын менежментийн тогтолцоо, ISO 45001:2018 Хөдөлмөрийн эрүүл мэнд, аюулгүй байдлын менежментийн тогтолцоо, ISO 14001:2015 Байгаль орчны менежментийн тогтолцоог нэвтрүүлж, Монголдоо анхдагч боллоо. 

7. Цалинг 25 хүртэлх хувиар нэмэгдүүлэв

Ажилчдын нийгмийн асуудлыг шийдвэрлэх хүрээнд олон ажил зохион байгуулж буй бөгөөд 2019 онд Хамтын гэрээнд заасны дагуу нийт ажилтны үндсэн цалинг 25 хүртэл хувиар нэмэгдүүллээ.

8. Нийслэлийн утааг бууруулав

“Эрдэнэс-Тавантолгой” ХК нийгмийн хариуцлагын хүрээнд Улаанбаатар хотын агаарын бохирдлыг бууруулах  зорилгоор “Тавантолгой түлш” ХХК-д дэмжлэг үзүүлэн ажиллаж байна. 

9. “Саятан жолооч” уралдааныг зохион байгуулав

Нийгмийн хариуцлагын хүрээнд тээврийн компаниуд болон жолооч нарыг дэмжин ажиллаж буй бөгөөд  2019 онд 300 сая төгрөгийн шагналын сан бүхий “Саятан жолооч” уралдаант шалгаруулалтыг амжилттай зохион байгууллаа.

 

 

 

 

 



Сэтгэгдэлүүд

Шинэ дугаар 2020/07-08

Үнэнд гүйцэгдэв

Захиалах

Биднийг дагах

Инфографик

2019 © Asia Mining Magazine